Glacann Ballstáit an Aontais Eorpaigh Uachtaránacht ar Chomhairle an Aontas Eorpach ar a seal féin, ar feadh thréimhse sé mhí. Is é ról na hUachtaránachta cathaoirleacht a dhéanamh ar fhormhór chruinnithe na Comhairle, a clár oibre agus a cláir chruinnithe a leagan amach, agus gníomhú mar ionadaí na Comhairle.

Is é seo an t-ochtú huair a bheidh Éire i gceannas ar Chomhairle an Aontais Eorpaigh ó 1973 i leith; ba in 2013 a bhí an Uachtaránacht aici go deireanach.

Mairfidh an Uachtaránacht ar an Aontas Eorpach ón 1 Iúil go dtí an 31 Nollaig 2026. Beidh breis agus 270 imeacht ar siúl ar fud na tíre le linn na tréimhse sé mhí mar chuid de Chlár Uachtaránacht na hÉireann ar an AE.

Cuirfidh an Garda Síochána pleananna bainistíochta tráchta agus na bearta póilíneachta agus slándála cuí i bhfeidhm chun na himeachtaí sin a éascú.

Ó Eanáir 2024 i leith, táimid ag ullmhú do na riachtanais phóilíneachta agus slándála a bhaineann le hUachtaránacht na hÉireann ar an Aontas Eorpach.

Déanann struchtúr láidir rialachais, faoi stiúir an Leas-Choimisinéara, Oibríochtaí Póilíneachta, Shawna Coxon, monatóireacht agus athbhreithniú ar an obair ar fud na heagraíochta chun tosaíocht a thabhairt d’éilimh na hUachtaránachta agus ullmhú dóibh.

I measc na ullmhúchán an Gharda bhí cruinnithe le hoifigigh shinsearacha i ngníomhaireachtaí ábhartha, lena n-áirítear an Roinn Cosanta agus Óglaigh na hÉireann.

Ina theannta sin, thug Gardaí cuairt ar thíortha a raibh an Uachtaránacht acu le déanaí chun foghlaim óna dtaithí, agus thug comhghleacaithe póilíneachta agus slándála cuairteanna ar Éirinn freisin.

Mar chuid dár n-ullmhúcháin d’Uachtaránacht an Aontais Eorpaigh ag Éirinn, tá feithiclí éagsúla agus míreanna trealaimh soláthraithe againn chun a chinntiú go gcuirfear oibríocht slándála chuí i bhfeidhm le linn na hUachtaránachta agus chun cumais slándála agus cosanta an Gharda Síochána a fheabhsú anois agus tar éis dheireadh na hUachtaránachta.

Áirítear leis seo:

Trucail oirbheartaíochta atá le húsáid ag sainaonaid arm tine an Gharda Síochána, lena n-áirítear an tAonad Práinnfhreagartha agus na hAonaid Tacaíochta faoi Airm.

• Aerárthaí sciathán dobhogtha
• 78 carr le haghaidh daoine mór le rá agus oifigigh a iompar
• 75 gluaisrothar le haghaidh dualgais tionlacain
• 12 mhionbhus le haghaidh Gardaí a iompar
• Éide chosanta fheabhsaithe le haghaidh aonaid oird phoiblí
• Maolú ar an mbagairt ó fheithiclí naimhdeacha
• Córais TFC agus tacaíocht

Tá infheistíocht déanta againn in oiliúint bhreise do Ghardaí i réimsí amhail dlúthchosaint; ceannasaíocht straitéiseach, oirbheartaíochta agus oibríochtúil; ord poiblí; agus tionlacan gluaisrothar.

Tá infheistíocht shuntasach déanta inár gcumas drón agus frithdhrón le 18 mí anuas.

Agus é caint níos luaithe i mbliana, dúirt Coimisinéir an Gharda Síochána, Justin Kelly, go raibh sé muiníneach go bhfuil an cumas agus an inniúlacht ag an nGarda Síochána déileáil le dróin de réir an chaighdeáin fhorfheidhmithe dlí atá i bhfeidhm ar fud na hEorpa.

Tá bainisteoirí an Gharda páirteach i sraith cleachtaí boird bunaithe ar chásanna féideartha maidir le póilíneacht a dhéanamh ar an Uachtaránacht ar an Aontas Eorpach.

Tá buiséad €125 milliún curtha ar fáil ag an Rialtas don Gharda Síochána le haghaidh Uachtaránacht an Aontais Eorpaigh. Ós rud é gur airgead poiblí atá i gceist, tá bearta agus socruithe rialachais i bhfeidhm lena chinntiú go gcaitear go héifeachtúil é.

Faoin mbuiséad seo, rinne an Garda Síochána ceannacháin chaipitil freisin i réimsí amhail teicneolaíocht faisnéise agus trealamh póilíneachta (gluaisteáin, gluaisrothair, bearta frithdhróin, srl.), agus beidh na hearraí sin fós ar fáil agus in úsáid tar éis Uachtaránacht an Aontais Eorpaigh.

Dúirt Coimisinéir an Gharda Síochána go raibh sé muiníneach go rabhamar ullamh do na bagairtí éagsúla a d’fhéadfadh a bheith romhainn le linn na sé mhí den Uachtaránacht.

Tá raon leathan bagairtí slándála le sárú ag Éirinn le linn na sé mhí den Uachtaránacht agus ina dhiaidh sin.

Agus é ag ullmhú d’Uachtaránacht an Aontais Eorpaigh, rinne an Garda Síochána measúnú ar bhagairtí agus ar rioscaí don Uachtaránacht ina hiomláine, agus rinneamar measúnú ar leith ar bhagairtí agus ar rioscaí i gcás gach imeachta aonair freisin.

Tá ullmhúchán cuimsitheach déanta ag an nGarda Síochána do raon leathan imeachtaí agus cásanna féideartha.

Stiúir an Leas-Choimisinéir atá i gceannas ar Oibríochtaí Póilíneachta go leor seisiún pleanála cásanna freisin, inar scrúdaigh comhaltaí den Gharda Síochána bagairtí slándála féideartha agus an chaoi a bhfreagróimis dóibh.

Beidh. Baineadh leas cheana féin as tacaíocht idirnáisiúnta ó fhórsaí póilíneachta Eorpacha, agus baineadh leas aisti roimhe seo ag imeachtaí ardphróifíle agus ag imeachtaí slándála eile.

Beidh oifigigh phóilíneachta ó thíortha eile san AE i láthair in Éirinn ar feadh Uachtaránacht an Aontais Eorpaigh. Ní rud neamhghnách é sin. Thaistil comhaltaí den Gharda Síochána chuig tíortha eile san AE ar an gcaoi chéanna chun cabhrú lenár gcomhghleacaithe thar lear.

Iarrtar ar oifigigh phóilíneachta ó dhlínsí eile cúnamh a thabhairt do Ghardaí i réimsí an-speisialaithe. Mar shampla, áirítear leis sin tacaíocht dár gcumas frithdhróin.

Ní bheidh oifigigh phóilíneachta ó thír eile san AE i mbun feidhmeanna póilíneachta ó lá go lá. Is é an Garda Síochána a dhéanfaidh an ghnáthphóilíneacht túslíne ar fad, mar is gnách.

Ní bheidh aon phóilíní armtha ó thíortha eile san AE ar shráideanna na hÉireann le linn Uachtaránacht an Aontais Eorpaigh.

Mar chuid dár n-ullmhúcháin d’Uachtaránacht na hÉireann ar an Aontas Eorpach in 2026, tá míreanna éagsúla trealaimh á soláthar againn chun a chinntiú go gcuirfear oibríocht slándála chuí i bhfeidhm le linn na hUachtaránachta agus chun cumais slándála agus cosanta an Gharda Síochána a fheabhsú anois agus tar éis dheireadh na hUachtaránachta.

Áirítear leis sin an infheistíocht shuntasach atá déanta inár gcumas drón agus frithdhrón le 18 mí anuas.

Tá méadú suntasach déanta againn ar ár gcumas frithdhróin sa Gharda Síochána, agus tá méid suntasach trealaimh frithdhróin soláthraithe againn.

Beidh cumas frithdhróin ag an nGarda Síochána ag gach príomhláthair imeachta agus i limistéir eile de réir mar is gá.  Tá oiliúint sa réimse seo curtha ar líon suntasach pearsanra de chuid an Gharda Síochána chun athléimneacht a chinntiú.

Bainfimid leas freisin, ó am go chéile, as tacaíocht ó fhórsaí póilíneachta comhpháirtíochta san AE chun cabhrú linn le póilíneacht frithdhróin.

Tá sé ráite go poiblí ag Coimisinéir an Gharda Síochána, Justin Kelly, go bhfuil an cumas agus an inniúlacht ag an nGarda Síochána déileáil le dróin de réir an chaighdeáin forfheidhmithe dlí atá i bhfeidhm ar fud na hEorpa.

Mar chuid dár n-ullmhúcháin d’Uachtaránacht na hÉireann ar an Aontas Eorpach in 2026, tá míreanna trealaimh éagsúla á soláthar againn chomh maith le hinfheistíocht in oiliúint chun a chinntiú go gcuirfear oibríocht slándála chuí i bhfeidhm le linn na hUachtaránachta agus chun cumais slándála agus cosanta an Gharda Síochána a fheabhsú anois agus tar éis dheireadh na hUachtaránachta.

Áirítear leis sin príomhréimsí amhail córais agus tacaíocht TFC, agus tá bainisteoirí an Gharda páirteach i sraith cleachtaí boird bunaithe ar chásanna féideartha maidir le póilíneacht Uachtaránacht na hÉireann ar an Aontas Eorpach.

Leanfaidh Biúró Cibearchoireachta an Gharda Síochána de bheith ag obair le comhpháirtithe amhail an tIonad Náisiúnta Cibearshlándála, Europol, Interpol, an FBI agus gníomhaireachtaí eile forfheidhmithe dlí chun dul i ngleic le bagairtí féideartha sa réimse seo.

Go ginearálta, coinneofar srianta tráchta agus atreoruithe d'imeachtaí Uachtaránacht na hÉireann ar an Aontas Eorpach chomh híseal agus is gá, agus tá sé beartaithe go mbeidh aon tionchar ar an bpobal teoranta go háitiúil agus chomh beag agus is féidir. Iarraimid ar bhaill den phobal aird a thabhairt ar chomhairle agus ar threoracha na nGardaí agus gabhaimid buíochas leo as a gcomhoibriú. Leanfaimid orainn ag dul i gcomhairle le gnólachtaí agus le cónaitheoirí áitiúla sna príomhionaid agus déanfaimid cumarsáid dhíreach leo le linn na hUachtaránachta ar an Aontas Eorpach nuair is gá. Táimid ag obair chun a chinntiú go mbeidh nádúr agus scála ár n-oibríochta póilíneachta agus slándála fós comhréireach leis an ngá sábháilteacht gach duine a chosaint le linn na hUachtaránachta ar an Aontas Eorpach.

Leanfaimid orainn ag obair le Bonneagar Iompair Éireann agus le soláthraithe iompair phoiblí chun cur isteach ar an líonra iompair phoiblí a íoslaghdú. D'fhéadfadh go dtiocfadh athrú ar phleananna oibríochtúla ar chúiseanna slándála agus oibríochtúla.

Cuirfidh Oifig Preasa an Gharda nuashonruithe fíor-ama ar fáil, nuair is cuí, trí phreasráitis agus ár gcainéil meán sóisialta:

• X @gardatraffic and @gardainfo
• Facebook An Garda Síochána
• Instagram @gardainsta
• Suíomh Gréasáin  www.garda.ie

Is daonlathas bunreachtúil í Éire, ina bhfuil sé de cheart ag saoránaigh a gcreidimh agus a dtuairimí a chur in iúl faoi shaoirse agus teacht le chéile go síochánta, i gcomhréir le forálacha an dlí. Chun tionóil phoiblí a bhainistiú go héifeachtach, cuireann an Garda Síochána bearta póilíneachta cuí agus comhréireacha i bhfeidhm, rud a chuireann ar chumas saoránach a gcearta a fheidhmiú agus ord poiblí á choimeád ag an am céanna. Meastar go mbeidh tionóil phoiblí agus agóidí ar siúl le linn Uachtaránacht an Aontais Eorpaigh.   

Éascóidh an Garda Síochána agóidí síochánta i gcónaí.

Ní ghlacfaidh an Garda Síochána le hagóidí i gcás ina bhfuil baol ann go ndúnfaí bonneagar criticiúil nó go gcuirfí isteach air, nó go gcuirfí isteach ar imeacht de chuid an AE.

Mar fhreagairt ar theagmhais de réir mar a fhorbraíonn siad, feidhmíonn an Garda Síochána de réir samhail póilíneachta pobail agus glacann sé cur chuige céimnithe atá i gcomhréir leis an reachtaíocht ábhartha agus a thugann tús áite do shábháilteacht an phobail.

Beidh freagairt phóilíneachta réamhghníomhach láidir ann i gcásanna ina bhféadfaí bonneagar criticiúil a chur i mbaol.  Áirítear leis sin rochtain ar chalafoirt, aerfoirt, mótarbhealaí agus saoráidí stórála breosla, i measc nithe eile.

Tá breis agus 270 imeacht agus cruinniú de chuid na hUachtaránachta ar an Aontas Eorpach beartaithe ar fud na tíre sa dara leath de 2026.  Cé go bhféadfadh ath-imlonnú Gardaí a bheith riachtanach i gcás imeachtaí áirithe, beidh dóthain acmhainní ag an nGarda Síochána i gcónaí chun na gnáthsheirbhísí póilíneachta a choinneáil ar bun. 

Tá pleanáil fhairsing déanta againn agus leanaimid den phleanáil sin chun a chinntiú go leanfar de sheirbhísí póilíneachta a sholáthar mar is gnách agus go gcomhlíonfar riachtanais oibríochtúla le linn na hUachtaránachta ar an Aontas Eorpach.

Tá méadú de bhreis agus 600 tagtha ar líon iomlán na nGardaí le trí bliana anuas agus tiocfaidh méadú breise ar an líon sin le linn an chuid eile de 2026.  Tá cuid mhór de na Gardaí breise sin sannta do Bhaile Átha Cliath, áit a mbíonn formhór chruinnithe na hUachtaránachta ar an Aontas Eorpach ar siúl.

Aistríodh líon beag Gardaí go Caisleán Bhaile Átha Cliath ar bhonn sealadach chun tacú leis an oibríocht phóilíneachta agus slándála atá i bhfeidhm ar feadh thréimhse na hUachtaránachta. Cinnteoidh bainistíocht áitiúil an Gharda Síochána sna ceantair ina mbíonn na Gardaí sin lonnaithe de ghnáth go n-athshannfar aon imscrúdú do chomhalta eile den Gharda Síochána.

Ní mheastar go gcuirfear isteach go suntasach ar ghnáthsheirbhísí an Gharda Síochána.  Tá tacaíocht d’íospartaigh coireachta, dul chun cinn na n-imscrúduithe agus próisis an cheartais choiriúil fós ina dtosaíocht againn le linn thréimhse na hUachtaránachta.

Tá próisis fhairsinge pleanála agus comhordaithe ar bun i gcónaí chun a chinntiú go leanfar de sheirbhísí póilíneachta laethúla a sholáthar go héifeachtach agus go gcomhlíonfar riachtanais oibríochtúla.  Tá leanúnachas na gcroísheirbhísí póilíneachta i ngach réimse feidhme fós ina phríomhthosaíocht eagraíochtúil.

Meastar go leanfar ar aghaidh mar is gnách leis na nithe seo a leanas: Clinicí an Gharda Síochána, cruinnithe pobail, tionscnaimh rannpháirtíochta le páirtithe leasmhara, seirbhísí tacaíochta d’íospartaigh, imscrúduithe coiriúla, feidhmeanna bainistíochta cásanna, dualgais a bhaineann leis na cúirteanna agus próisis ionchúisimh.

Tá muinín agus comhoibriú an phobail ríthábhachtach agus tá an Garda Síochána dírithe ar an muinín sin a choinneáil ar bun agus láithreacht phóilíneachta ghairmiúil, chomhréireach agus infheicthe á cur ar fáil aige.

Tá an Garda Síochána ag obair lena chinntiú go leanfar de ghnáthsheirbhísí póilíneachta a sholáthar le linn na hUachtaránachta ar an Aontas Eorpach.

Tá breis agus 3,800 feithicil ag an nGarda Síochána faoi láthair, agus táthar ag cur leis an bhflít is mó a bhí ar fáil don eagraíocht riamh.

Cuireadh réimse feithiclí nua le flít an Gharda Síochána chun an Uachtaránacht ar an Aontas Eorpach a éascú.  Cinntíonn sé sin gur féidir leanúint de na feithiclí agus den trealamh atá ann cheana a úsáid chun freastal ar riachtanais phóilíneachta laethúla. 

• 46 carr Skoda
• 32 carr Audi
• 75 gluaisrothar
• Dhá mhionbhus déag le 16 shuíochán an ceann
• Aerárthach sciatháin dhobhogtha
• Trucail oirbheartaíochta

Cinntíonn na feithiclí agus an trealamh seo go gcuirfear oibríocht slándála chuí i bhfeidhm le linn na hUachtaránachta agus cuirfidh siad feabhas ar chumais slándála agus cosanta an Gharda Síochána tar éis na hUachtaránachta.

Déantar measúnú leanúnach ar na riachtanais acmhainní do gach imeacht de chuid na hUachtaránachta trí na próisis bhunaithe rialachais, pleanála agus comhordaithe. Cé go bhféadfadh imlonnú Gardaí a bheith riachtanach i gcás imeachtaí áirithe, beidh dóthain acmhainní ar fáil chun a chinntiú go leanfar de sheirbhísí an Gharda Síochána a sholáthar ar fud na tíre.

Táimid ag dul i gcomhairle le gnólachtaí agus le cónaitheoirí áitiúla sna príomhionaid agus leanfaimid le cumarsáid dhíreach leo le linn na hUachtaránachta ar an Aontas Eorpach nuair is gá. Táimid ag obair chun a chinntiú go mbeidh nádúr agus scála ár n-oibríochta póilíneachta agus slándála fós comhréireach leis an ngá sábháilteacht gach duine a chosaint le linn na hUachtaránachta ar an Aontas Eorpach.

Leanfaimid orainn ag obair le Bonneagar Iompair Éireann agus le soláthraithe iompair phoiblí chun cur isteach ar an líonra iompair phoiblí a íoslaghdú.

Le linn na sé mhí den Uachtaránacht ar an Aontais Eorpach, oibreoidh Gardaí chun daoine a choinneáil sábháilte ag imeachtaí poiblí ar fud na tíre i ngach Rannán Garda. Áirítear leis seo mórimeachtaí spóirt, ceolchoirmeacha, féilte, seónna talmhaíochta, féilte pobail, taispeántais gluaisteán, fleánna ceoil réigiúnacha, turais rothaíochta charthanachta, rásaí bóthair agus aontaí, gan ach roinnt díobh a lua

Go ginearálta, tá plean póilíneachta cuí i bhfeidhm ag an nGarda Síochána do gach mórimeacht. Déantar na himeachtaí seo a phleanáil trí Oifigí Comhordaithe Imeachtaí i ngach limistéar Rannpháirtíochta Pobail de chuid an Gharda Síochána, bunaithe ar mheasúnuithe riosca aonair do gach imeacht. Cinntíonn sé seo ní hamháin go gcuirtear na hacmhainní cuí ar fáil do na himeachtaí ionas go mbeidh gach duine atá i láthair sábháilte agus go mbainfidh siad taitneamh astu, ach freisin go leanann an Garda Síochána de sheirbhísí laethúla agus freagairtí don phobal a chur ar fáil chun daoine a choinneáil sábháilte.

Más mian leat tuairisc a thabhairt do na Gardaí, is féidir é sin a dhéanamh ar an teileafón nó go pearsanta in aon Stáisiún Garda. Tá eolaire ár stáisiún ar fáil anseo: Eolaire na Stáisiún – Garda Síochána.

Glaoigh ar 999/112 i gcónaí i gcás éigeandála.

Agus breis agus 270 imeacht beartaithe, beidh tréimhse ghnóthach sé mhí i gceist le hUachtaránacht na hÉireann ar an Aontas Eorpach. Chun tuilleadh eolais a fháil, téigh chuig Uachtaránacht na hÉireann ar Chomhairle an Aontais Eorpaigh 2026.

Beidh Uachtaránacht na hÉireann lonnaithe go príomha i gCaisleán Bhaile Átha Cliath, cé go mbeidh imeachtaí ríthábhachtacha ar siúl freisin i gCathair Chorcaí agus i mBéal an Átha, Co. Mhaigh Eo.

Dé Luain, an 15 Meitheamh 2026, cuireadh tús le hoibríocht phóilíneachta agus slándála i gCaisleán Bhaile Átha Cliath agus fanfaidh sí i bhfeidhm ar feadh thréimhse na hUachtaránachta, agus an t-ionad dúnta don phobal.

Tá na bóithre seo a leanas dúnta faoi láthair do thrácht agus do choisithe araon mar chuid den oibríocht seo agus beidh siad dúnta go dtí an 31 Nollaig 2026:

• Sráid an Chaisleáin
• Sráid na gCaorach Bheag
• Sráid na gCaorach Mhór

Tá rochtain áitiúil á héascú.

Beidh Músaem an Gharda Síochána dúnta ar feadh thréimhse na hUachtaránachta ar an Aontas Eorpach. Mar sin féin, leanfaidh foireann an Mhúsaeim dá gcuid oibre i rith na sé mhí agus is féidir teagmháil a dhéanamh leo mar is gnách:

Ar an teileafón ag 01 6669998 nó trí ríomhphost chuig  museum@garda.ie

Beidh fógraí maidir le srianta eitilte i gCriosanna Geografacha UAS agus/nó TRA (Aerspás Srianta Sealadach) i bhfeidhm ag ionaid ina mbeidh imeachtaí Uachtaránacht an Aontais Eorpaigh ar siúl. Áirítear leis sin srianta ar Chórais Aerárthaí Gan Foireann (UAS), is é sin, dróin.

Is é Údarás Eitlíochta na hÉireann (IAA) a eisíonn na srianta sin, agus féadfar cuid díobh a eisiúint ar ghearrfhógra ar chúiseanna oibríochtúla. Ba cheart do phíolótaí UAS (drón) suíomh gréasáin an IAA a sheiceáil le haghaidh srianta maidir le dróin a eitilt i gCriosanna Geografacha UAS agus i dTRAnna díreach sula n-oibríonn siad UAS.

Beidh córais braite UAS i bhfeidhm chun suíomh na ndrón atá ag eitilt i limistéir shrianta, chomh maith le suíomh phíolóta an dróin, a shainaithint. Déanfaidh an Garda Síochána agus an IAA imscrúdú ar sháruithe ar TRAnna agus ar Chriosanna Geografacha.

Foilsítear liosta d'fhógraí TRA ar shuíomh gréasáin an IAA.

Foilsítear sonraí faoi Chriosanna Geografacha UAS freisin ar léarscáil idirghníomhach ar shuíomh gréasáin an IAA.