Coireacht fuath

Saintréithe faoi Chosaint:Cine, Dath Craicinn, Náisiúntacht, Reiligiún, Bunús Náisiúnta nó Eitneach, Ginealach, Inscne, Saintréithe Inscne, Gnéaschlaonadh, nó Míchumas.

Nótaí Míniúcháin

• D'fhéadfadh sé go gciallódh 'géarú' agus léiriú ar an bhfuath i leith íospartaigh nó go bhfuil an cion bunaithe (go hiomlán nó go páirteach) ar fhuath.Faigh tuilleadh eolais faoin Acht um Cheartas Coiriúil (Cionta Fuatha) 2024.
• Is éard is 'Teagmhas' ann ná teagmhas a thuairiscítear don Gharda Síochána.
• Cuimsítear le 'Ballraíocht', i ndáil le grúpa, baint le baill den ghrúpa; agus ciallaíonn 'Ballraíocht thoimhdithe', ballraíocht atá toimhdithe ag an duine a dhéanann cion.
• Eitneacht Náisiúnta - Áirítear daoine den Lucht Siúil agus Romaigh le Bunús Náisiúnta nó Eitneach.
• Áirítear le reiligiún easpa creidimh reiligiúnaigh nó creidimh.
• Áirítear le hinscne agus léiriú inscne, féiniúlacht inscne, trasinscneach agus inscne seachas inscne fireann agus baineann.
• Ciallaíonn saintréithe gnéis na gnéithe fisiciúla agus bitheolaíocha duine a bhaineann le gnéas.

Cliceáil ANSEO chun tuilleadh eolais a fháil faoi Shaintréithe faoi Chosaint.

I measc na samplaí a d'fhéadfadh a bheith ann:

• Ionsaí
• Damáiste coiriúil
• Ciapadh
• Ord poiblí
• Bagairtí duine a mharú nó díobháil thromchúiseach a dhéanamh.
• Comhéigean
• Cur i mbaol

Tuairiscigh aon teagmhas a mheasann tú a tharla de dheasca an fhuatha don Gharda Síochána i gcónaí.

• I gcás éigeandála, glaoigh ar 999/112 i gcónaí

Ba cheart duit an tseirbhís seo a úsáid má tá coir nó teagmhas ag tarlú anois nó má tá duine ar bith i mbaol láithreach

• Tuairiscigh chuig do stáisiún Gardaí áitiúil

Cliceáil ANSEO le haghaidh eolas teagmhála gach stáisiúin de chuid an Gharda Síochána.

• Úsáid an tSeirbhís Tuairiscithe Ar Líne an Gharda Síochána maidir le Coireanna Fuatha

Cliceáil ANSEO chun Coir Fuath a Thuairisciú ar Líne.

Is ar mhaithe le coireanna fuatha amháin a thuairisciú atá an tseirbhís sin agus níor cheart í a úsáid i gcásanna eile

• Bain úsáid as Líne Rúnda an Gharda Síochána ar 1800-666-111

Nuair thuairisceoidh tú don Gharda Síochána, tabharfaidh Garda freagairt ort/déanfaidh sé/sí teagmháil leat agus glacfaidh sé/sí do thuairisc. 

• Déanfaidh sé/sí measúnú ar cheart imscrúdú a thosú.
• Beidh bailiú fianaise i gceist le himscrúdú amhail ráitis a fháil ó íospartach/íospartaigh agus ó fhinnéithe, etc.
• Tabharfar rogha duit a chur ar aghaidh chuig tacaíocht d'íospartaigh.
• Coinneofar ar an eolas thú faoi fhorbairtí i rith an imscrúdaithe.

Tá Oifigigh Éagsúlachta an Gharda Síochána ceaptha i ngach rannán den Gharda Síochána ar fud na tíre. Cuirtear oiliúint orthu, forbraítear iad agus tacaítear leo le páirt ghníomhach a ghlacadh le hábhair imní de chuid phobail mhionlaigh, pobail éagsúla agus pobail tearc-ionadaíochta agus freastal orthu - ag cur ar a suaimhneas iad, ag cothú muiníne agus ag leathnú inrochtaineacht Sheirbhís an Gharda Síochána.

Is féidir liosta teagmhálaithe nuashonraithe d'Oifigigh Éagsúlachta an Gharda Síochána a fháil ANSEO.

Mura féidir leat freastal ar do stáisiún áitiúil an Gharda Síochána, is féidir leat seirbhísí Aonad Náisiúnta an Gharda Síochána um Éagsúlacht a lorg ag diversity@garda.ie, a ghníomhóidh mar idirghabhálaí le do stáisiún áitiúil an Gharda Síochána nó le hOifigeach Éagsúlachta an Gharda Síochána.

Má theastaíonn tuilleadh eolais uait faoi choir fuath, déileálfaidh an fhoireann in Aonad Náisiúnta an Gharda Síochána um Éagsúlacht le do cheist.

Tá na sonraí ceart tráth an fhoilsithe, agus ní chuirtear ar fáil iad ach mar threoir amháin. Faigh comhairle dlí ó d'aturnae nuair is gá.

• Aonad Náisiúnta an Gharda Síochána um Éagsúlacht